«Ғ. Мүсірепов атындағы жалпы орта білім беру мектебі» КММ

Экологиялық онкүндік  аясында мектепалды дайындық сыныбы және «Балдәурен» шағын орталығының тәрбиеленушілерінің бірлесуімен мектепте «Көрікті көктем» атты экологиялық іс-шара болып өтті.  Іс-шараға ата-аналар мен ұстаздар көрермен болып қатысты.

Мақсаты:   Табиғатты  сүюге  баулу, балалардың  құстар  туралы  түсініктерін  кеңейту, құстардың  пайдасына  тоқталу.  Өлеңдердің  мағынасын  түсіну,  сөздік  қорын  байыту. Байланыстырып  сөйлеуге  үйрету.  Табиғатқа  деген  мейірімін  ояту,  адамгершілікке  баулу.

Дамытушылық:Балалардың  ойлау  қабілетін  дамыту, өз  бетімен  жұмыс  істеуге  машықтандыру.Жауапкершілік  сезімін  ояту.

Тәрбиелік:Балаларды  құстарды  қоректендіріп  тұруға  үйрету.  Табиғатқа  деген  сүйіспеншілігін  арттыру.

Қолданған  әдіс-тәсіл: Сұрақ-жауап,топпен  жұмыс, көрнекіліктер,ойын, триз (жақсы-жаман), коллаж.

Көрнекіліктер: Табиғатқа  байланысты  суреттер, құс  ұялары  суреттері,  құстардың  суреттері

Балалар  бізге  қонақтар  келіпті  алдымен  амандасып  алайық.

Балалар  жылулық шеңберіне  тұрады:

Сәлем  бердім  күнге  мен,

Сәлем  бердім  аспанға,

Сәлем  бердім  жерге  мен,

Сәлем  бердім  саған  да

Сәлем  бердік  қонақтар

Табиғатқа  ,  құстарға.

Ал  енді  балалар  орнымызға  жайғасып  алайық

«Адамзаттың  табиғатсыз  күні  жоқ,  оны  айтуға  табиғаттың  тілі  жоқ».

Табиғат  дегеніміз  не  балалар ?

-Жер, су, ауа, тау-тас,өсімдіктер , жануарлар, құстар.

Балалар  мен  сендерге  1-шумақ  өлең  оқып  берейін  сендер  бұл  өлеңде  не  туралы  екенін  айтып  бересіңдер  ме?

Құстар ,  құстар  келеді,

Даланы  жырға  бөледі,

Көктем  келді  деп  бізге 

Жылы  хабар  әкелді.

- Ал,  көктемде  не  өзгерістер  болатынын  кім  біледі, айтыңдаршы .

-Ия  балалар,  көктемде  жауын –шашын  көп  болып,  жер  көгеріп, гүлдер  өсіп, құстар  жылы жақтан  ұшып  келіп  бау-бақшамызда  ән  салып,  сәнін  кіргізеді.

Енді, балалар,  біздер табиғатқа  саяхат жасайық.

    Табиғат дегеніміз- бізді қоршаған орта. Тау, тас, өсімдік, ауа, ағаш т.б.

Балалар біз  табиғаттың ,өлі табиғат, тірі табиғат болып  бөлінетінін білеміз.

   -Қане ендеше кім айтады тірі табиғатқа нелер жатады?

    Өлі табиғатқа нелер жатады? ( балалардың жауабы)