Ғ.Мүсірепов атындағы ЖОББМ жанындағы "Балдәурен" шағын орталығында жылдағы дәстүрмен Наурыз мейрамы аталып өтті. Ұлық мерекені атап өтудегі басты мақсат – салт –дәстүр, наурыз құндылықтарын дәріптеу болатын. Бұл бала тәрбиесіндегі басты қағида. Ал оған кез-келген ата –ана жұмыла қатысып жатса ұлттық тәрбиенің мақсат мұраты орындалды- дей беріңіз. Күн мен түн теңелетін көктемнің шуақты мерекесі әз-Наурыз мейрамына балабақша балғындары айрықша әзірленген. Көздері бал- бұл жанып, жүздеріне күлкі үйрілген балалар қуанышты болды. Тілдері бал бүлдіршіндер тақпақ айтып, ән салды, би биледі.