Ғ.Мүсірепов атындағы жалпы орта білім беру мектебінде «Болашаққа бағдар: Рухани жаңғыру» бағдарламасы бойынша іс-шаралар жоспарланып өтуде. Мақсатқа жету үшін біздің санамыз ісімізден озып жүруі, яғни одан бұрын жаңғырып отыруы тиіс. Оқушылар бойындағы патриотизм, яғни туған өскен ауылыңа, туған жеріңе деген сүйіспеншіліктен басталады. 
Жоспарға сай 2-сынып жетекшісі Искакова Д.Б. оқушылармен "Ауылымыздан шыққан құрметті азаматтар" тақырыбында мектеп кітапханасында ақпарат жинап, бөлісті. Шығармаларынан үзінді оқыды.
Кітапханашы Сарсенбаева Даметкен Аскеровна ауылдың құрметті азаматтары Ғабит Мүсірепов, Ербол Шаймерденов кітаптарымен таныстырды.

Оқушылар осындай шағын Жаңажол ауылын әлемге танытқан аталарының барына қуанды, мақтан тұтатындарын айтты.