Сіз-Ұстазсыз, барша жан ардақтайтын,

Қанша жас  Сізге ұқсауды армандайтын.

Еткен еңбек, төккен тер жемістерін,

Көретін кезде келді  ұлықтайтын-

Ұлағатты ұстаз, ардақты ана Молдабекова Куляш Сагандыковна   Жаңажол ауылындағы Ғ. Мүсірепов атындағы орта мектебінде 1980 жылдан бастап қызмет етіп келеді.Осы 36 жыл еңбек жолында бірнеше қызметтер де атқарды.

1981-1982 жылдары тәрбие ісінің меңгерушісі, 1997-1999 оқу ісінің меңгерушісі, 2006-2009 кәсіподақ ұйымының төрайымы, 2000 жылдан бастап Нақты пәндер бірлестігінің жетекшісі қызметін абыроймен атқарып келеді. Еңбегі үшін аудандық білім бөлімінің, мектепішілік, облыстық грамоталармен марапатталған. Өткізілген аймақтық, облыстық  семинарлар соның дәлелдері десек те болады. 

Ұстаздық қызметтің қыр - сырын толық меңгерген Куляш Сагандыковна зейнеткерлік жаста. Ұлағатты Ұстазымызға өмірдегі бар жақсылықты тілейміз. Осы уақытқа дейінгі бейнетінің зейнетін көруге жазсын. Биылғы оқу жылында да талмай еңбегі үшн алғыс хатпен марапатталды.