Атаулы күн 1977 жылы Халықаралық музейлер кеңесінің Бас конференциясында бекітілген. Мерекеге орай 1997 жылы тұңғыш рет «Музей түні» шарасы Берлин қаласында өткізілді.

Халықаралық музейлер кеңесін (International Council of Museums - қысқаша ICOM ) дүниежүзінің музей ісі мамандары 1946 жылы құрған болатын. Ұйымның мақсаты – табиғи және мәдени жәдігерлерді сақтай отырып, өткен мен келешекті байланыстыру, халықтар арасында өткен заманның мұраларын танымал ету.

Мұражай күніне орай 18 мамыр күні Ғ.Мүсірепов атындағы жалпы орта білім беретін мектебінің 1- сынып оқушылары Ғабит атамыздың мұражайына  топсеруен жасады. Мұражай меңгерушісі Кошаева Клара Утегеновна Ғабит атамыз жайында отбасы, өмір жолы жайында  таныстырды. Атамыздың мұраларын қызыға көрген бүлдіршіндер есінде Ғабит атамыз жайында қалары сөзсіз. Ауылымызды бүкіл әлемге паш еткен Ғабит атамызды мақтан тұтатымыз.